Amerika hökuməti İrandakı xalq etirazlarına dəstəyini ifadə edib

Amerika Dövlət Departamentinin sözçüsü Ned Prays İranda bir neçə gündür ardı-arası kəsilməyən kütləvi xalq etirazları barədə twit paylaşıb.

Prays mayın 15-dəki twit paylaşımında yazıb: “Vaşinqton qəhrəman İran xalqının söz və sərbəst toplaşmaq azadlığı hüququnu dəstəkləyir”. O, habelə bildirib ki, İran xalqının öz hökumətini cavabdeh etmək hüququ var.

Xatırladaq ki, bu, Co Bayden hökumətinin İrandakı etiraz aksiyaları ilə bağlı ilk rəsmi açıqlamasıdır. Amerikanın İran üzrə xüsusi nümayəndəsi Robert Mali isə Praysın twitini yenidən paylaşıb.