Təbrizli çempion elektrik vurması nəticəsində ölüb

Aprelin 3-də Təbrizdə bədbəxt hadisə baş verib. İdmançı Arəş Ağayi idman zallarından birində elektrik cərəyanı vurması nəticəsində həyatını itirib.

1992-ci ildə anadan olan və cüdo üzrə dəfələrlə İran çempionu olan Arəş Ağayi Asiya yarışlarında üçüncü yeri tutmuşdu.

O, bununla yanaşı dünya çempionatında da müxtəlif medallar qazanaraq Güney Azərbaycanda idman sahəsində tanınan simalardan biri sayılırdı.