İranda yeni qərar: Artıq Məşhəddə qadın və kişilər birlikdə oyun oynaya bilməyəcək

İranda yeni qərar: Artıq Məşhəddə qadın və kişilər birlikdə oyun oynaya bilməyəcək an.T / TURKISHFORUM – ABDULLAH TÜRER YENER

Məşhədin istirahət mərkəzlərində qadınlarla kişilərin birlikdə əyləncə oyunları oynaması qadağan edilib.

Məşhədin istirahət mərkəzlərində qadınlarla kişilərin birlikdə əyləncə oyunları oynaması qadağan edilib.

“Aznews tv” xəbər verir ki, bu barədə Məşhəd Mədəniyyət, Oyunlar və Əyləncə Birliyinin rəisi Murtuza Əskafi məlumat verib.

Onun sözlərinə görə, qadağa haqda qərar Məşhədin Ümumi və İnqilab prokurorunun müavini tərəfindən çıxarılıb.

O əlavə edib ki, hazırda Məşhəddə mövcud olan 40 belə əyləncə mərkəzinə oyun oynamağa gələnlər ailələr olur. Amma bu mərkəzlərin bir çoxu plomblanıb, digər qisminə isə xəbərdarlıq edilib.

Qeyd edək ki, bu qərar İran ictimaiyyəti tərəfindən sosial şəbəkələrdə kəskin etirazla qarşılanıb.