Urmu zindanında məhkumlara qarşı zorakılıq halları artıb

Məktubda Urmu zindanının yeni açılmış təhlükəsizlik bölməsində saxlanılan məhkumların bir çox hüquqlardan məhrum edildiyi, onların 24 saat ciddi nəzarət altında saxlanıdığı vurğulanır. - rmu zindan nda m hkumlara qar zorak l q hallar art b 0 1648273225

Güney Azərbaycanın Urmu şəhərinin zindanında siyasi məhbuslara qarşı artan zorakılıq halları artıb. İnsan haqları təşkilatları bununla bağlı xəbərdarlıq məktubu yayıblar.

Məktubda Urmu zindanının yeni açılmış təhlükəsizlik bölməsində saxlanılan məhkumların bir çox hüquqlardan məhrum edildiyi, onların 24 saat ciddi nəzarət altında saxlanıdığı vurğulanır.

Bildirilir ki, 50 siyasi məhkumun saxlanıldığı bölmədə normal havalandırma sistemi, məhkumların gigiyena qaydalarına əməl etməsi üçün şərait yoxdur. Məhkumlar məzuniyyətə buraxılmır, ailələri ilə görüşə icazə verilmir.

İnsan haqları təşkilatları qeyd edirlər ki, müxtəlif xəstəliklərə yoluxan məhkumların duruma etirazlarına ən sərt şəkildə reaksiya göstərilir, etirazçılar təkadamlıq kameralara salınır.

Məktub Urmu zindanında məhkumluq dövrü yaşayan və son vaxtlar cəzası bitdiyi üçün oradan buraxılan şəxslərin verdikləri məlumatlar əsasında hazırlanıb.

Qeyd edək ki, bundan öncə fevralın əvvəllərində Urmu zindanında saxlanılan siyasi məhbuslara qarşı amansız davranış barədə məlumatlar yayılıb.

İnsan haqları təşkilatlarına bağlı qaynaqların verdiyi məlumata görə, fevral ayının ilk günlərində Hamid Qaraoğlani və başqa azərbaycanlı məhkum Fərzad Samani zindan məsullarının basqıları ilə qarşılaşb, barələrində daha sərt cəza tədbirləri tətbiq edilib.

Adı çəkilən iki azərbaycanlı məhbus bundan öncə yanvarın 10-da Urmu zindanın siyasi dustaqlar saxlanılan bölməsində bir neçə başqa məhkumla birgə məmurlar tərəfindən döyüldükdən sonra başqa bölməyə köçürülmüşdülər.

Okumaya devam et  Tarixə yazılan imza

Comments

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir