İstanbulda Jalə Cəfərovanın kitabının təqdimatı keçirildi

İstanbulda Jalə Cəfərovanın kitabının təqdimatı keçirildi -RÜFAT MURADLI /TURKISHFORUM – ABDULLAH TÜRER YENER

İstanbulda Jalə Cəfərovanın kitabının təqdimatı keçirildi
İstanbulda Milli Mədəniyyətimizin Təbliği İB-nin sədri, filologiya üzrə fəlsəfə doktoru Jalə Cəfərovanın Atatürkün ilk rəssamı olmuş, soydaşımız İbrahim Safinin həyat və yaradıcılığından bəhs edən kitab və eyniadlı sənədli filmin təqdimatı oldu.
Mərasim Türkiyə və Azərbaycanın istiqlal şəhidlərinin xatirəsinə bir dəqiqəlik sükutla başladı. Təqdimat mərasiminin aparıcısı Rüfət Muradlının qısa giriş nitqindən sonra İstanbul Azerbaycan Kültür Evi Başkanı Hikmet Elp geniş nitq söylədi. Ataşehir Bələdiyyə sədrinin müavini, soydaşımız Orhan Çerkezin qonaqları salamlama çıxışından sonra mərasim iştirakçıları 40 dəqiqəlik “Rəngləri danışdıran adam” filmini izlədilər. Filmin təqdimatından sonra prof.dr İbrahim Yıldırım, tanınmış rəssam Temur Taştekin, iş adamı Doğan Kasadolu, Qafqaz Sərhəd Dərnəyi başqanı Ali Akşa, xeyriyyəçi Şərqiyyə Məmmədova və başqaları düşüncələrini bölüşdülər. Sonda çıxış edən müəllif Jalə Cəfərova kitab və filmin ərsəyə gəlməsi haqda danışdıqdan sonra təqdimat mərasimində iştirak edən hər kəsə öz təşəkkürünü bildirdi. Güney Azərbaycandan olan sənətçi Ehsan Əsədullahinin çıxışı tədbirə xüsusi bayram əhval ruhiyyəsi qatdı. Mərasimin sonunda İstanbul Azerbaycan Kültür Evi tərəfindən təşəkkür plaketləri təqdim edildikdən sonra kollektiv fotolar çəkildi.